आर्थिक संपत्ती (जसे डिपॉसिट खात्यातील रक्कम) आणि उत्पादन प्रक्रियेतील मूर्त घटक जशी साधने/उपकरणे इत्यादीसाठी कॅपिटल ही संज्ञा वापरली जाते. ज्या इमारतीत माल निर्माण होतो आणि साठवला जातो त्याला पण कॅपिटल म्हटले जाते.
माल आणि सेवा विकत घेण्यासाठी पैसे वापरले जातात पण कॅपिटल वापरुन गुंतवणूक करून संपत्ती/मालमत्ता निर्माण केली जाते किंवा मौल्यवान संसाधने गोळा केली जातात.
कॅपिटलची काही उदाहरणे: वाहने, पेटेंट, सॉफ्टवेअर, ब्रॅंडचे नाव. हे सगळे वापरुन संपत्ती निर्माण करता येते. उत्पन्न मिळवण्यासाठी कॅपिटल मासिक किंवा वार्षिक भाड्यावर देता येते आणि आवश्यकता नसेल तेव्हा विकून टाकता येते.
कोणत्याही मालाला कॅपिटल म्हणून गणल्या जाण्यासाठी संपत्ती निर्माण करायला त्याचा उपयोग होत असला पाहिजे. अनेक लोकांचा वेळ आणि पैसा ह्यांची एकमेकात देवाण घेवाण केल्यामुळे होणार्‍या कामाचा संयोग म्हणजे कॅपिटल ज्यामुळे मूल्य निर्माण होते.
कोणत्याही व्यवसायात कॅपिटल म्हणून वापरण्यात येणार्‍या सर्व मूर्त संपत्तीचे मूल्य काळाने कमी होते आणि ते व्यवसायाच्या आर्थिक अहवालात नमूद असते आणि त्यावर करसूट मिळू शकते.
कॅपिटलची मालकी दुसर्‍या व्यक्तीकडे किंवा व्यवसायाकडे हस्तांतरित करता येते आणि त्यातून मिळणारे मूल्य मूळ मालकाला मिळते. उदाहरणार्थ: एक व्यवसाय आपले उपकरण दुसर्‍या व्यवसायाला रोख पैसे घेऊन विकतो. विकत घेणारा व्यवसाय नवीन मालक होतो आणि विकणार्‍या व्यवसायाला मिळालेले पैसे उत्पन्न म्हणून मोजले जाते.
कॅपिटलचे प्रकार
डेट कॅपिटल
मित्र किंवा कुटुंब अशा खाजगी स्रोतांकडून मिळालेला किंवा आर्थिक संस्था, विमा कंपन्या, किंवा सार्वजनिक स्रोत जसे शासकीय कर्ज योजना यातून मिळालेला निधी म्हणजे डेट कॅपिटल.
इक्विटी कॅपिटल
ज्या गुंतवणूकींची परतफेड करण्याची गरज नसते त्याला इक्विटी कॅपिटल म्हणतात. यात व्यवसाय मालकाने केलेली खाजगी गुंतवणूक किंवा स्टॉक विकल्यामुळे मिळालेली रक्कम समाविष्ट असते.
वर्किंग कॅपिटल
कंपनीची विद्यमान संपत्ती आणि असलेले दायित्व यातील फरक म्हणजे वर्किंग कॅपिटल. वर्किंग कॅपिटल वापरुन पुढील एका वर्षात घेतलेल्या कर्जाची परतफेड करण्याची क्षमता, किंवा इतरांना देय रक्कम किंवा इतर दायित्व पूर्ण करण्याची क्षमता मोजता येते. कंपनीच्या आर्थिक आरोग्याची माहिती यातून कळते.
ट्रेडिंग कॅपिटल
विविध स्टॉक खरेदी-विक्री करण्यासाठी असलेला निधी म्हणजे ट्रेडिंग कॅपिटल. गुंतवणूकदार आपल्या ट्रेडिंग कॅपिटलमध्ये वाढ करण्यासाठी काही ट्रेडिंग ऑप्टिमायझेशन पद्धती वापरतात ज्यामुळे निधी गुंतवण्याचे आदर्श प्रमाण ठरवता येते. व्यावसायिकांना आपल्या गुंतवणूक धोरणासाठी किती रक्कम संचयित करायला पाहिजे हे माहिती असणे महत्त्वाचे आहे.
आपला व्यवसाय वाढवण्यासाठी तुम्हाला त्वरित बिझनेस लोन हवे असेल तर ग्रोमोर फायनॅन्स कंपनीशी संपर्क साधा. सोप्या ऑनलाइन पद्धतीने अर्ज करता येतो आणि रु १० लाखापर्यंत लोन मिळते.
