नवीन मशीन विकत घेणे, व्यवसायाचा विस्तार करणे, नवीन आणि अनुभवी कर्मचारी नियुक्त करणे, वर्किंग कॅपिटल उभे करणे, मार्केटिंग क्रिया अशा सर्व कार्यासाठी पैशांची आवश्यकता असते. एखादे विशिष्ट कार्य पूर्ण करण्यासाठी त्वरित किंवा अल्पावधीत पैशांची गरज भासू शकते.
बँक आणि एनबीएफसी यांच्याकडून व्यवसायांना लोन घेता येते. साधारणपणे बँक तारण ठेवून लोन देतात, ज्याच्या प्रक्रियेला खूप वेळ लागतो, अनेक कागदपत्रे आवश्यक असतात, आणि लोन वितरित व्हायला पण वेळ लागतो.
म्हणून लघु उद्योजकासाठी एनबीएफसी कडून विना तारण लोन घेणे हा अधिक चांगला पर्याय असतो.
तारण असलेल्या लोनपेक्षा विना तारण लोन अधिक चांगला पर्याय का असतो:
१. लोनसाठी अर्ज करणे अत्यंत सोपे
अर्ज ऑनलाइन भरता येतो, पात्रता निकष आणि आवश्यक कागदपत्रे पण अगदी अल्प असतात, आणि तारण असलेल्या लोनच्या तुलनेत विना तारण लोन जलद गतीने मंजूर होऊन रक्कम पण मिळते.
२. व्यवसायाची आर्थिक स्थिती बळकट होते
लघु उद्योगाकडे नेहेमीच पर्याप्त पैसे आणि संसाधने असणे आवश्यक असते कारण त्यांची आवश्यकता कधीही भासू शकते, आणि व्यवसायाच्या वाढीसाठी पण ते आवश्यक असतात.
व्यवसायात कॅश फ्लोमध्ये समस्या असेल किंवा रोजच्या खर्चासाठी पुरेशी संसाधने नसतील तर परिस्थितीत सुधारणा होईपर्यंत विना तारण लोन घेता येते.
३. त्वरित लोन मंजूरी
डिजिटल क्रांती आल्यामुळे विना तारण लोनसाठी अर्ज करणे अत्यंत सोपे असते आणि लोन मंजूरी पण अगदी सोप्या पद्धतीने होते. तुम्ही लोन देणार्‍या कंपनीच्या वेबसाइटला भेट देऊन, साधा अर्ज भरला, आवश्यक कागदपत्रे अपलोड केली आणि तपासणीत सगळे योग्य निघाले तर लोन मंजूरी आणि रक्कम वितरण अगदी जलदगतीने होते. अनेक लोन देणार्‍या कंपन्या लोन मंजूर करण्यासाठी तंत्रज्ञानाचा वापर करतात म्हणून अगदी अल्पावधीत लोनची रक्कम वितरित होते. अशामुळे व्यवसाय मालकाला कागदपत्रांकडे लक्ष देण्याऐवजी प्रत्यक्ष कामाकडे लक्ष देता येते.
४. वेळेवर निधी मिळणे
लोनसाठी अर्ज, त्याची मंजूरी आणि रकमेचे वितरण जलदगतीने होत असल्यामुळे वेळेवर निधी मिळतो ज्याचा खूप फायदा लघु उद्योजकाला होतो.
भारतात एनबीएफसी कडून विना तारण लोन मिळू शकते कारण ते अल्पावधीत लोन देतात.
बँकेच्या तुलनेत एनबीएफसी यांचे निकष अधिक शिथिल असतात.
विना तारण लोन घेण्याचे ठरवल्यावर लोन देणारी कंपनी निवडण्यापूर्वी कंपनीच्या अटी आणि शर्ती आणि पात्रता निकष काळजीपूर्वक वाचायचे विसरू नका. व अशीच कंपनी निवडा ज्याचे निकष तुम्ही पूर्ण करू शकता.
तुम्ही एनबीएफसी कंपनीशी संपर्क साधला तर तुम्हाला बिझनेस लोन देण्यापूर्वी ते तुम्हाला काही प्रश्न विचारतील.
बिझनेस लोन मिळण्यापूर्वी खालील प्रश्न तुम्हाला विचारले जातील
१. व्यवसायाचे टर्नओवर
प्रत्येक एनबीएफसी तुमच्या व्यवसायाचे टर्नओवर तपासून पाहील. म्हणजेच तुमचा व्यवसाय किती कमी अवधीत रोख रक्कम गोळा करू शकतो. कर्जासाठी पात्र असायला व्यवसायाचे टर्नओवर रु १५ लाख आणि रु १ कोटी यामधील असावे.
२. अर्जदाराचे वय
लोनसाठी अर्ज करताना अर्जदाराचे वय २१ वर्षापेक्षा कमी नसावे आणि लोन अवधी संपण्याच्या दिवशी ६५ वर्षापेक्षा अधिक नसावे.
३. व्यवसाय किती वर्ष सुरू आहे
बिझनेस लोन मंजूर होण्यासाठी व्यवसाय किती वर्षापासून कार्यरत आहे हा पण एक महत्वाचा निकष असतो. कर्ज देणार्‍या कंपनीवर हे अवलंबून असते. किमान ३ वर्ष व्यवसाय सुरू असेल तर बहुतांश कंपन्या लोन मंजूर करतात
४. क्रेडिट स्कोअर
क्रेडिट स्कोअर हा अजून एक महत्वाचा निकष असतो. प्रत्येक अर्जदाराचा क्रेडिट स्कोअर काळजीपूर्वक तपासला जातो. काही कंपन्यांची स्कोअर मोजण्याची स्वतःची पद्धत असते.
५. कागदपत्रे
ओळखपत्र, पत्त्याचा पुरावा आणि इतर आर्थिक स्टेटमेंट आणि कागदपत्रे.
विना तारण लोनसाठी अर्ज करायचा असल्यास, खालील पात्रता निकष आणि कागदपत्रे असायला पाहिजे:
पात्रता निकष
- व्यवसायाचे टर्नओवर (किमान रु १५ लाख)
- अर्जदाराचे वर (किमान २१ वर्ष)
- व्यवसाय किती वर्ष सुरू आहे (किमान १ वर्ष)
- मागच्या वर्षीचे आयकर रिटर्न किमान रु २.५ लाख असायला पाहिजे
- क्रेडिट स्कोअर (७५० – ९०० यामध्ये, ७५० पेक्षा अधिक क्रेडिट स्कोअर चांगला समजला जातो)
- मालकाचे घर ही व्यवसायाची जागा नसावी
- व्यवसायाची जागा मालकाच्या नावाने असावी
आवश्यक कागदपत्रे
- मालकाचे पॅन कार्ड
- मालकाचे आधार कार्ड
- मागील १२ महिन्याची बँकेची अकाऊंट स्टेटमेंट (पीडीएफ रूपात)
- मागील २ वर्षाचे आयकर रिटर्न
- शेवटची बॅलेन्स शीट आणि पी&एल (तात्पुरते/ऑडिट केलेले)
- शेवटची बॅलेन्स शीट आणि पी&एल (ऑडिट केलेले)
- गुमास्ता/दुकान आस्थापना परवाना
- जीएसटी रजिस्ट्रेशन पावती
- जीएसटी पावती/ चलन
लोन नामंजूर होऊ नये यासाठी तुम्ही वरील सर्व पात्रता निकष पूर्ण केले पाहिजे
खालील कारणांसाठी तुमचा लोन अर्ज नामंजूर होऊ शकतो
१. क्रेडिट हिस्टरी नसणे
व्यवसाय नुकताच सुरू झाला असेल तर क्रेडिट हिस्टरी नसणे शक्य आहे पण लोन देणार्‍या कंपनीला अर्जदाराची योग्यता आणि लोनची परतफेड करण्याची क्षमता तपासायची असल्यामुळे क्रेडिट हिस्टरी आवश्यक असते. क्रेडिट हिस्टरी नसेल तर कंपनीला मूल्यांकन करणे अवघड होते.
२. क्रेडिट हिस्टरी चांगली नसणे
कोणतीही क्रेडिट हिस्टरी नसण्यापेक्षा क्रेडिट हिस्टरी चांगली नसणे अधिक वाईट समजले जाते कारण लोन देणारी कंपनी अशा अर्जदाराला लोन देऊन धोका पत्करणार नाही.
३. मोठ्या प्रमाणात लोन घेणे
लोन देणार्‍या कंपनीला असे लक्षात आले की अर्जदाराने अनेक ठिकाणहून लोन घेतले आहे तर कंपनीला शंका येईल की नजिकच्या भविष्यात व्यवसायाची आर्थिक परिस्थिती धोक्यात येईल. म्हणून कंपनी अर्ज नामंजूर करू शकते.
४. व्यवसायाचे तपशील चुकीचे असणे
चुकीचे नाव किंवा पत्ता किंवा इतर तपशील भरल्यास किंवा चुकीची कागदपत्रे दिल्यास लोन देणारी कंपनी अर्ज नामंजूर करू शकते.
५. आर्थिक घटक योग्य नसणे
कॅश फ्लोमध्ये किंवा इतर मूलभूत आर्थिक घटकांमध्ये समस्या असल्यास लोन देणार्‍या कंपनीचा अर्जदाराबाबत विश्वास कमी होतो.
६. उद्योग क्षेत्रात धोका असणे
तुमचा व्यवसाय ज्या उद्योग क्षेत्रात काम करतो त्या क्षेत्रात अधिक धोका असतो असे मानले जात असेल तर तुमच्या अर्जाचे मूल्यांकन आणि तपासणी केल्यानंतर तुमचा अर्ज नामंजूर होऊ शकतो.
तुमच्या लघु उद्योगासाठी तुम्हाला विना तारण लोन हवे असल्यास, वाजवी व्याज दरावर त्वरित लोन देणार्‍या ग्रोमोर फायनॅन्स कंपनीशी संपर्क साधा!
